الفنانة أصالة تشوّق جمهورها لأغنيتها الجديدة
نشرت الفنانة أصالة نصري عبر حسابها الخاص فيديو شوّقت به جمهورها لأغنيتها الجديدة التي تحمل عنوان "سوريا جنة"، والتي أطلقتها بعد إسقاط النظام السوري القديم.
شقيق أصالة يتدخل لحلّ أزمتها مع طارق العريان
وعلّقت أصالة على الفيديو بمنشور طويل قالت فيه: "مشاعر مختلطة كلها قوية خوف أولاً من إنه ينسى الواحد فينا شو كنا وشو أصلنا... نحنا كل أهل سوريا بنشبه أهل الحارة اللي بكل العالم ما في من هيك حارة الناس فيها مخلوطين من ديانات مختلفة وثقافات مختلفة وبساطة وشهامة ومحبة وتسامح وتسامح وتسامح وما في شي حيخلينا نتجاوز ونكبر ونحقق ونعلى غير التسامح وما رح نقول مو وقتها لسه الجرح طازه!".
وتابعت أصالة: "رح نقول نحنا أهل سوريا العظيمة الطيبة سوريا التاريخ اللي بيعشقها شعبها ودفع دمّه فداها ما بدنا نكمل مشوار كله دم وكله قهر وبيرجعنا أكتر وبيقهرنا أكتر لأننا بالآخر هون عنا أهل وحبايب وهون عنا أهل وحبايب وبدنا نتوحّد وبدنا نعمّر هالبلد الحلوة اللي مافي أحلى من ترابها وشجرها وبيوتها وأهلها الطيبين الحناين".
وأضافت: "راهنت وبراهن على نجاحنا وإنه الوجع وقف وإنه الفرقة وقفت ومن هون رح نبدى مارح نتطلّع عالماضي وكل واحد فينا رح يعمل شغله ورح نتأمّل خير ورح نتطلّع بألله ورح نترجاه مابقى بدنا وجع بدنا كلنا نكمل بعض بدنا سوريا تلحق وتعمّر وتكمّل وتسبق بدنا سوريا ما فيها ظلم مافيها خوف فيها الياسمين بيغوي وشجر الحور عم يطول ونزرع نرجع شجر من القهر ما كأنه مات قدّ ما هوّه انتحر".
واختتمت أصالة منشورها قائلةً: "بدي أقعد على كرسي بساحة من ساحات الشام عند بياع الصبارة بدي أشتري فستق حلبي من كل البياعين على طريق الربوة بدي شوف سوريا عروس وكلنا نحنا أهلها وبدنا هالعروس اللي تعتّرت وتقطّعت وتنتفت نرجّعلها جمالها وليرجع كلنا بدنا نحبها بدها حب ما بقى بدها ولا نقطة دم بدها فرح بدها أمل بدها ثقه بدها سحر والله بيقدر يمسح على القلوب بالتجاوز ونسمو ونعلو ونبني... بعرف إنه كتير صعب بس نحنا أهل الصعب... وبدنا نهتم بصغارنا اللي شافوا الويلات وصار بدهم قد الكون كلّه رعايه واهتمام... كلي أمل وكلي ثقة نحنا لقدّام ورح نكون وما بقى نقبل ما نكون ورح نبنيها بالحب لأنها بس بالحب رح تعمر ورح تعمر... كلمات: بتول زيدان ويارا أحمد، لحن وتوزيع: على حسون".
صورة نشرتها الفنانة على صفحتها بالانستغرام - تصوير: @mohammed_vivid
صورة نشرتها الفنانة على صفحتها بالانستغرام - تصوير: @mohammed_vivid
من هنا وهناك
-
الفنانة إلهام الفضالة تتألق بالريش الأبيض
-
هند صبري ضمن أكثر 100 سيدة مؤثّرة في العالم
-
تطورات مثيرة في قضية سبّ لقاء سويدان
-
بشرى تواجه انتقادات محمد رمضان: اعتاد على ذلك
-
جوري بكر تعلن اعتزال مواقع التواصل الاجتماعي
-
وفاء عامر تعلّق على حادث الاعتداء على الطفل ياسين وتوجّه رسالة للأمهات
-
شريهان تتحدث عن فخرها بعَلَم مصر... هل قصدت محمد رمضان
-
دنيا بطمة تمزّق شعار وسيلة إعلامية وشقيقتها تطرد المراسل
-
بعد طلاقها.. عناد ماريتا الحلاني يتصدّر الـ‘ترند‘
-
انهيار شقيقة سمر عبدالعزيز في جنازتها
إعلانات
إعلانات
أرسل خبرا